بامیان کې د شپږو لوبډلو ترمنځ د فوټسال سیالۍ د قوم غیب علي لوبډلې په اتلولۍ پای ته ورسېدې
د بامیان ولایت د بدني روزنې او ورزش امریت اړوند د فوټبال ملي فدراسیون د استازولۍ له لوري په یاد ولایت کې د شپږو لوبډلو ترمنځ د فوټسال سیالۍ، چې یوه اوونۍ مخکې پيل شوې وې د قوم غیب علي لوبډلې په اتلولۍ پای ته ورسېدې.
د دغو سیالیو په پایلوبه کې قوم غیب علي لوبډلې خپلې سیالې اتحاد داد علي لوبډلې ته د ۳/۲ ګولونو په توپیر ماتې ورکړه او اتلولي یې خپله کړه.
د یادو سیالیو موخه د ځوانانو ترمنځ یووالی رامنځته کول او د فوټسال لوبو ته وده ورکول و، د سیالیو په پای کې غوره لوبډلې ته کپ او مډالونه ورکړل شول.
