بامیان کې د فرزبي سیالۍ پای ته ورسېدې
د بامیان ولایت د بدني روزنې او ورزش امریت اړوند د فرزبي ملي فدراسیون د استازولۍ له لوري د یاد ولایت په مرکز ښار کې د شپږو لوبډلو ترمنځ د فرزبي سیالۍ پای ته ورسېدې.
د دغو سیالیو په پایلوبه کې نویو ځوانانو لوبډلې خپلې سیالې شاهین بابا لوبډلې ته د ۳/۲ امتیازونو په توپیر ماتې ورکړه او اتلولي یې خپله کړه.
د یادو سیالیو موخه د فرزبي لوبو ته وده ورکول او د غوره استعدادونو موندل و، چې څلور ورځې یې دوام وکړ.
