بامیان کې د ۱۰ لوبډلو ترمنځ د سنګ سول سیالۍ د زردسنګ لوبډلې په اتلولۍ پای ته ورسېدې
د بامیان ولایت د بدني روزنې او ورزش امریت له لوري د یاد ولایت په پنجاب ولسوالۍ کې د ۱۰ لوبډلو ترمنځ د سنګ سول سیمه ییزې او دودیزې سیالۍ وشوې، چې یوه ورځ یې دوام وکړ.
د دغو سیالیو په پایله کې زرد سنګ لوبډلې لومړی، مرکز لوبډلې دویم او استقلال لوبډلې بیا درېیم مقام خپل کړ.
د یادو سیالیو موخه په پنجاب ولسوالۍ کې سیمه ییزو او دودیزو لوبو ته وده ورکول و.
