بامیان کې د ۱۷ لوبډلو ترمنځ د والیبال سیالۍ د زارین لوبډلې په اتلولۍ پای ته ورسېدې
د بامیان ولایت د بدني روزنې او ورزش امریت اړوند د والیبال فدراسیون د استازولۍ له لوري د یاد ولایت په یکاولنګ ولسوالۍ کې د ۱۷ لوبډلو ترمنځ د والیبال سیالۍ، چې دوې اونۍ مخکې پيل شوې وې د زارین لوبډلې په اتلولۍ پای ته ورسېدې.
د دغو سیالیو په پایلوبه کې زارین لوبډلې خپلې سیالې یکاولنګ ولسوالۍ مرکزي لوبډلې ته د ۳/۲ ګولونو په توپیر ماتې ورکړه او اتلولي یې خپله کړه.
د یادو سیالیو موخه د ورزشکارانو ترمنځ یووالی رامنځته کول او د والیبال ورزش ته وده ورکول و.
