بامیان کې د ۹ لوبډلو ترمنځ د فوټبال الف لیګ سیالۍ د عقابان غلغله لوبډلې په اتلولۍ پای ته ورسېدې
د بامیان ولایت د بدني روزنې او ورزش امریت اړوند د فوټبال ملي فدراسیون د استازولۍ له لوري د یاد ولایت له مرکز او والسوالیو د ۹ لوبډلو ترمنځ د فوټبال الف لیګ سیالۍ، چې درې اونۍ مخکې پيل شوې وې د عقابان غلغله لوبډلې په اتلولۍ پای ته وسېدې.
د دغو سیالیو په پایلوبه کې عقابان غلغله لوبډلې خپلې سیالې امید بامیان لوبډلې ته د ۴/۱ ګولونو په توپير ماتې ورکړه او اتلولي یې خپله کړه.
د یادو سیالیو موخه د فوټبال لوبو ته وده ورکول او د غوره لوبډلې موندل و؛ د سیالیو په پای کې غوره لوبډلې او لوبغاړو ته چمتو شوې ډالۍ ورکړل شوې.
