بغلان؛ په پلخمري ښار کې د درې میلیونو افغانیو په لګښت د فوټسال میدان ګټې اخیستنې ته وسپارل شو
د بغلان ولایت په مرکز پلخمري ښار اړوند د قهوه خانې په باغ کې د یاد ولایت د یو تن سوداګر عبدالله هوتکي له لوري جوړ شوی د درې میلیونو افغانیو په ارزښت د فوټسال میدان ګټې اخیستنې ته وسپارل شو.
د میدان د پرانیستې په مراسمو کې د بغلان اطلاعاتو او فرهنګ رييس اسدالله مصطفي هاشمي، د بغلان د سپورت امریت مسؤولینو، د ملي او سيمه ييزو رسنيو مسوولينو، د ښاروالۍ مسوولينو، قومي مشرانو او يو شمېر ورزشکارانو ګډون کړى و.
د مراسمو په مهال د ازادي او خورشید لوبډلو ترمنځ د فوټسال پرانیستې لوبه هم وشوه چې په پایله کې لوبه ۲-۲ مساوي پای ته ورسېده.
