بغلان کې د یوولسو لوبډلو ترمنځ د فوټبال غوره لیګ سیالۍ پیل شوې
د بغلان ولایت د بدني روزنې او ورزش امریت او فوټبال فدراسیون د ځايي استازولۍ له لوري د دې ولایت د ۱۱ لوبډلو ترمنځ د فوټبال غوره لیګ سیالۍ پیل شوې.
دغه سیالۍ، چې په ټولیز ډول به پکې ۵۵ لوبې وشي او ۱۱ اوونۍ به دوام وکړي، موخه يې د غوره څېرو موندل دي.
د یادو سیالیو د پیل لوبه د ستاره ها او عقاب لوبډلو تر منځ وشوه، چې د ۴/۱ ګولونو په توپیر عقاب لوبډلې وګټله.
