بلخ؛ ادریس لوبډلې د ۳۰ لوبډلو ترمنځ د والیبال سیالیو اتلولي وګټله
په بلخ ولایت کې د ۳۰ لوبډلو ترمنځ د والیبال سیالۍ د ادریس لوبډلې په اتلولۍ پای ته ورسېدې.
په دغه ورزشي پروګرام کې پر ورزشي مسؤولینو سربېره ګڼ شمېر ورزشکارانو او د ورزش مینه والو برخه اخیستې وه.
د یادو سیالیو موخه ورزش ته د ځوانانو هڅول او د ځوانانو ترمنځ ورزش ته وده ورکول وو.
په پای کې ادريس لوبډلې د ډېرو امتیازونو په ترلاسه کولو سره لومړى، د چمتال ولسوالۍ لوبډلې دويم او د قاري محمد (عامې روغتیا) لوبډلې درېيم مقام خپل کړ.
