بلخ؛ بلخ ولسوالۍ کې د شپږو لوبډلو ترمنځ د واليبال سیالۍ وشوې
د بلخ ولایت د بدني روزنې او ورزش ریاست اړوند د واليبال فدراسيون د استازولۍ له لوري د بلخ ولسوالۍ په وزيرآباد کلي کې د شپږو لوبډلو ترمنځ د واليبال شپنۍ سيالۍ د استقلال لوبډلې په اتلولۍ پای ته ورسېدې.
د يادو سیالیو پايلوبه کې استقلال لوبډلې خپلې سيالې چهاربولک ځوانانو لوبډلې ته د ۱ پر صفر ميدان په توپير ماتې ورکړه او اتلولي يې وگټله.
دا سیالۍ د واليبال ورزش ته د ځوانانو هڅولو په موخه ترسره شوې، چې يوه شپه يې دوام وکړ.
