بلخ؛ د دې ولايت د واليبال ټاکنيزې سيالۍ پيل شوې
د بلخ ولایت د واليبال فدراسيون له لوري د دې ولایت د واليبال ټاکنيزې سيالۍ تېره ورځ د لسو غوره لوبډلو ترمنځ د بلخ په امام خميني ورزشي جمنازيوم کې پيل شوې.
په دغو سياليو کې د بلخ ورزشي مسوولینو، ورزشکارانو او د دې ورزشي رشتې ګڼو مينه والو شتون درلود.
د يادو سياليو په لومړۍ ورځ دوې لوبې وشوې، په لومړۍ لوبه کې د کفايت لوبډلې د ٣-٠ په توپیر عامي روغتیا لوبډلې ته ماتې ورکړه، په دويمه لوبه کې د بلخ اتحاد لوبډلې ٣-٠ په توپیر د چهره بولک ولسوالۍ لوبډلې ته ماتې ورکړه.
د يادولو ده چې په دغو سياليو کې به هره ورځ دوې لوبې ترسره شي.
