بلخ؛ د رسنیزو اړیکو د پیاوړتیا او د خبر لیکلو روزنیر سمینار د سندونو په وېش سره پای ته ورسېد
د بدني روزنې او سپورټ ریاست له لوري د رسنیزو اړیکو او خبر لیکلو د پیاوړتیا روزنیز سمینار، چې پرون په بلخ ولایت کې پیل شوی و، نن پنجشنبه ټولو ګډونوالو ته د سندونو په وېشلو سره پای ته ورسید.
دغه سمینار د بدني روزنې او سپورټ عمومي ریاست د اطلاعاتو او عامه پوهاوي ریاست له لوري د بلخ، تخار، بدخشان، کندز، بغلان، جوزجان، سرپل او جوزجان ولایتونو د ورزش آمریتونو د مسوولینو لپاره د بلخ د ورزش ریاست د غونډو په تالار کې جوړ شوی و.
په دې سمینار کې د خبرونو د ژانرونو مهم او اساسي موضوعات، د خبرونو، مرکو او راپورونو معیاري مېتودونه او فوتوژورنالیزم یا د خبري عکاسۍ اساسات د اطلاعاتو او عامه پوهاوي ریاست د درېو کارکوونکو له لوري په نظري او عملي ډول تدریس شول.
یاد سمیناز د خبرونو لیکلو او د ورزشي برنامو د عکس اخیستنې په برخه کې د شمالي زون د اتو ولایتونو د مطبوعاتي کارکوونکو د ظرفیت لوړولو په موخه د چهارشنبې په ورځ د اسد د میاشتې په څلورمه نېټه پیل او د پنجشنبې په ورځ د اسد میاشتې په پنځمه نېټه په ټولو ګډونوالو د تصدیق پاڼو په وېشلو سره پای ته ورسید.
د سمینار ګډونوالو په داسې حال کې چې یاد سمینار یې د دوی د کاري ظرفیتونو د لوړولو په برخه کې ګټور وباله، د سمینار له وړاندې کوونکو یې وغوښتل چې د ورته روزنیزو پرګرامونو په دوام، د ستونزو د حل او د ولایتونو لپاره د تخنیکي وسایلو او اسانتیاوو د برابرولو همکاري وکړي.
