بلخ؛ مرکز مزار شریف کې د پنځو لوبډلو ترمنځ د شمال زون والیبال اتلولۍ سیالۍ پای ته ورسېدې
د بلخ ولایت د بدني روزنې او ورزش ریاست اړوند د والیبال فدراسیون د استازولۍ له لوري د یاد ولایت په مرکز مزار شریف کې د پنځو لوبډلو ترمنځ د شمال زون والیبال اتلولۍ سیالۍ د بلخ ولایت الف لوبډلې په اتلولۍ پای ته ورسېدې.
د دغو سیالیو په پایلوبه کې د بلخ ولایت الف لوبډلې سیالې جوزجان ولایت منتخبې لوبډلې ته د ۳/۰ میدانونو په توپير ماتې ورکړه او اتلولي یې خپله کړه.
دغو سیالیو، چې درې ورځې یې دوام وکړ، د ولایتونو په کچه د بلخ ولایت الف لوبډلې د زیاتو امتیازونو په ترلاسه کولو لومړی، جوزجان ولایت منتخبې لوبډلې دویم او د بلخ ولایت ب لوبډلې درېیم مقام ترلاسه کړ.
