بلخ؛ په مرکز مزار شريف ښار کې د ۵۰ لامبو وهونکو ترمنځ د لامبو وهنې سیالۍ وشوې
د بلخ ولايت د بدني روزنې او ورزش رياست اړوند لامبو وهنې فدراسیون د استازولۍ له لوري په مرکز مزار شريف ښار کې د الماس ګروپ رمضان جام په نوم د ۵۰ لامبو وهونکو ترمنځ د لامبو وهنې سیالۍ وشوې.
دغه سيالۍ په الماس د لامبو وهنې حوض کې په دوو بخشونو او دوو کټگوريو له ۱۶ کلونو کم عمره او له ۱۸ کلونو د پورته عمر درلودونکو لامبو وهونکو ترمنځ ترسره شوې او يوه ورځ يې دوام وکړ.
د يادونې وړ ده چې د دغو سياليو په پای کې غوره لامبو وهونکو ته مډالونه، ستاينليکونه او چمتو شوې ډالۍ ورکړل شوې.
