بلخ؛ په مزارشريف ښار کې د ٦٠ ورزشکارانو ترمنځ د کورش دوستانه سيالۍ ترسره شوې
د بلخ ولایت د مزار شریف ښار فردوسي چوک ته څېرمه د افغان ترک پارک په سیمه کې د دغه ولایت د بدني روزنې او سپورت ریاست او کورش فدراسیون له لوري د هېواد د پنځو ولایتونو د ۶۰ ورزشکارانو ترمنځ د کورش دوستانه سیالۍ ترسره شوې.
په دې سیالیو کې د بلخ، بدخشان، سرپل، فاریاب او جوزجان ولایتونو ورزشکارانو برخه اخیستې وه.
د یادونې وړ ده چې په دې ورزشکارانو کې يو شمېر هغه محصلین دي، چې د مزار شریف ښار په ليليه کې اوسېږي او یو شمېر یې هغه کسان دي چې د هېواد له نورو ولايتونو څخه د سياحت لپاره بلخ ولايت ته تللي وو.
په پای کې د بلخ ولایت کورشکارانو تر ټولو ډېرې نمرې ترلاسه کړې.
