بلخ؛ چمتال ولسوالۍ کې د ۱۶ لوبډلو ترمنځ د فوټبال غوره لیګ سیالۍ د هدایت لوبډلې په اتلولۍ پای ته ورسېدې
د بلخ ولایت د بدني روزنې او ورزش ریاست اړوند د فوټبال ملي فدارسیون د استازولۍ له لوري د یاد ولایت په چمتال ولسوالۍ کې د اتلسو لوبډلو ترمنځ د فوټبال غوره لیګ سیالۍ، چې دوه نیمې میاشتې مخکې پیل شوې وې د چمتال هدایت لوبډلې په اتلولۍ پای ته ورسېدې.
دغه سیالۍ، چې د لیګ په ډول ترسره شوې، په پایله کې چمتال هدایت لوبډلې د زیاتو امتیازونو په ترلاسه کولو لومړی او د چمتال البرز لوبډلې دویم مقام ترلاسه کړ.
په دغو سیالیو کې د میر قاسم له لوبډلې صفت جان د زیاتو ګولونو وهونکی، د میر قاسم له لوبډلې غازي جان غوره لوبغاړی او د هدایت چمتال له لوبډلې نصر الله غوره ګول ساتونکي وپېژندل شول.
