بلخ؛ چهاربولک ولسوالۍ کې د لسو لوبډلو ترمنځ د واليبال سيالۍ پای ته ورسېدې
د بلخ ولايت د بدني روزنې او ورزش رياست اړوند د واليبال فدراسيون د استازولۍ له لوري د ياد ولايت په چهاربولک ولسوالۍ کې د لسو لوبډلو ترمنځ د واليبال سيالۍ، چې يوه ورځ يې دوام وکړ ، د چهل چراخ لوبډلې په اتلولۍ پای ته ورسېدې.
د دغو سياليو په پايلوبه کې چهل چراخ لوبډلې خپلې سيالې ادريس لوبډلې ته د ۰/۱ ميدان په توپير ماتې ورکړه او اتلولي يې وگټله.
د يادو سياليو موخه د واليبال ورزش ته د ځوانانو هڅول وو.
