بلخ ولایت کې د واليبال سيالۍ د کفایت لوبډلې په بریا سره پاى ته ورسېدې
د بلخ ولايت دهدادي ولسوالۍ په کوربتوب د واليبال پيل شوې سيالۍ د کفایت لوبډلې په بریا سره پاى ته ورسېدې.
د بلخ ولایت د واليبال فدراسيون رئیس محمد نعيم ماهر وايي؛ د واليبال دغه سيالۍ نږدې دوه مياشتنې وړاندې د ٢٠ لوبډلو ترمنځ د دهدادي ولسوالۍ په کوربتوب پيل شوې چې د کفایت او قيوم لوبډلو يې فاينل ته لار ومونده.
د دغو دواړو لوبډلو ترمنځ لوبه د ٣-١پايلې سره د کفايت لوبډلې په اتلولې او قيوم لوبډلې په دوه يم مقام ترلاسه کولو سره پاى ته ورسېدې.
د بلخ بدني روزنې او ورزش عمومي مدير محمدالله حماد د دغو سياليو په اړه وویل؛ دغه سيالۍ د ٢٠ لوبډلو ترمنځ د بدني روزنې او ورزش ریاست په مرسته د واليبال فدراسيون له لورې د دهدادي ولسوالۍ په کوربتوب ترسره شوې چې موخه يې د واليبال لوبډلې لپاره د غوره ورزشکارانو پېژندلو ترڅنګ د ورزشکارانو استعداد لوړونې، ودې او ورزش ته د ولسوالیو ځوانانو هڅول دي.
