بلخ کې د پینځو لوبډلو ترمنځ د شمال زون فوټسال سیالۍ د یاران نور لوبډلې په اتلولۍ پای ته ورسېدې
د بلخ ولایت د بدني روزنې او ورزش امریت اړوند د فوټبال فدراسیون د استازولۍ له لوري په یاد ولایت کې د پنځو لوبډلو ترمنځ د شمال زون فوټسال سیالۍ د یاران نور لوبډلۍ په اتلولۍ پای ته ورسېدې.
په دغو سیالیو کې له سرپل شهبازلوبډلې، له فاریاب تیموریان لوبډلې، له جوزجان اعظم نظري لوبډلې، له سمنګان خورشید لوبډلې او له بلخ ولایت څخه یاران نور لوبډلې د کابل فوټسال غوره لیګ سیالیو ته د لار موندنې په موخه یو له بل سره سیالۍ وکړې.
د دغو سیالیو په پایلوبه کې د یاران نور لوبډلې خپلې سیالې اعظم نظري لوبډلې ته د ۶/۴ امتیازونو په توپیر ماتې ورکړه او اتلولي یې خپله کړه.
د یادو سیالیو موخه د کابل فوټسال غوره لیګ سیالیو ته د غوره لوبغاړو موندل وو.
د سیالیو په پای کې لوبڅارانو، ورزش مسوولینو، غوره لوبډلو او غوره لوبغاړو ته کپ، ډالۍ او ستاینلیکونه ورکړل شول.
