بلخ کې د ۱۰۲ تنو ورزشکارانو ترمنځ د بدن ښکلا او فټنس سيالۍ ترسره شوې
د بلخ ولايت د بدني روزنې او ورزش رياست اړوند د بدن ښکلا او فټنس ملي فدراسيون د استازولۍ له لوري د ياد ولايت په مرکز مزارشریف ښار کې د ۱۰۲ تنو ورزشکارانو ترمنځ ورزش ته د ځوانانو هڅولو په موخه د شمال زون د بدن ښکلا او فټنس خزاني سيالۍ ترسره شوې.
دغه سیالۍ چې دوې ورځې يې دوام وکړ، په پايله کې بلخ ورزشکارانو لومړی، جوزجان ورزشکارانو دويم او فارياب ورزشکارانو بيا درېيم مقام ترلاسه کړ.
د يادولو وړ ده، چې د يادو سياليو په پای کې غوره ورزشکارانو ته کپونه، ستاينليکونه او چمتو شوې ډالۍ ورکړل شوې.
