بلخ کې د ۵۴ ورزشکارانو ترمنځ د سنوکر سيالۍ د احمد فهيم عزيز په اتلولۍ پای ته ورسېدې
د بلخ ولايت د بدني روزنې او ورزش رياست اړوند د سنوکر ملي فدراسيون د استازولۍ او د سنوکر کينګ کلب له لوري په ياد ولايت کې د ۵۴ ورزشکارانو ترمنځ د سنوکر سيالۍ د احمد فهيم عزيز په اتلولۍ پای ته ورسېدې.
د دغو سياليو په پايلوبه کې احمد فهيم عزيز خپل سيال مرتضی منصور ته د ۵/۱ امتيازونو په توپير ماتې ورکړه او اتلولي يې خپله کړه.
د يادو سياليو موخه د سنوکر ورزش ته وده ورکول او دودول و، چې يوه اونۍ يې دوام وکړ.
د سياليو په پای کې غوره ورزشکارانو چمتو شوي کپونه ورکړل شول.
