تخار؛ کلفګان ولسوالۍ کې د ۶۰ کورشکارانو ترمنځ د کورش سیالۍ وشوې
د تخار ولایت د بدني روزنې او ورزش امریت اړوند د کورش ملي فدراسیون د استازولۍ له لوري د یاد ولایت په کلفګان ولسوالۍ کې د ۶۰ کورشکارانو ترمنځ د کورش سیالۍ وشوې، چې یوه ورځ یې دوام وکړ.
د دغو سیالیو په پایله کې ۳۰ کورشکارانو خپلو سیالانو ته په ماتې ورکولو سره بریاوې او د اتلولۍ مقامونه خپل کړل.
د یادو سیالیو موخه په کلفګان ولسوالۍ کې سیمه او دودیزو لوبو ته وده ورکول و؛ د سیالیو په پای کې غوره کورشکارانو ته چمتو شوې ډالۍ ورکړل شوې.
