جوزجان؛ اقچه ولسوالۍ کې د ۷۰ کورشکارانو ترمنځ د کورش سیالۍ وشوې
د جوزجان ولایت د بدني روزنې او ورزش امریت اړوند د کورش ملي فدراسیون د استازولۍ له لوري د یاد ولایت په اقچه ولسوالۍ کې د ۷۰ کورشکارانو ترمنځ د کورش سیالۍ وشوې، چې یوه ورځ یې دوام وکړ.
د دغو سیالیو په پایله کې د پنځو جوړو لوبې مساوي او ۳۰ کورشکارانو خپلو سیالانو ته په ماتې ورکولو سره د اتلولۍ مقامونه خپل کړل.
د یادو سیالیو موخه په مرکز او ولسوالیو کې د کورش ورزش ته وده ورکول او ورزش ته د ځوانانو هڅول و.
