جوزجان؛ خانقاه ولسوالۍ کې د ۱۸۰ کورشکارانو ترمنځ د کورش سیالۍ ترسره شوې
د جوزجان ولایت د بدني روزنې او ورزش امریت اړوند د کورش ملي فدراسیون د استازولۍ له لوري د یاد ولایت د خانقاه ولسوالۍ په ینګي قلعه کلي د ۱۸۰ کورشکارانو ترمنځ د کورش سیالۍ ترسره شوې، چې یوه ورځ یې دوام وکړ.
د دغو سیالیو په پایله کې ۹۰ کورشکارانو خپلو سیالانو ته په ماتې ورکولو سره اتلولي خپله کړه.
د یادو سیالیو موخه سیمه ییزو او دودیزو لوبو ته وده ورکول، خلکو ته یوه سالمه تفرېح برابرول او د ورزشکارانو ترمنځ یووالی رامنځته کول و؛ د سیالیو په پای کې غوره کورشکارانو ته چمتو شوې ډالۍ ورکړل شوې.
