جوزجان؛ قرقین ولسوالۍ کې د ۳۶ چاپ اندازانو ترمنځ د وزلوبې سیالۍ ترسره شوې
د جوزجان ولایت د بدني روزنې او ورزش آمریت او د وزلوبې فدراسیون د نمایندګي له لوري د قرقین ولسوالۍ په ورزشي میدان کې د ۳۶ چاپ اندازانو ترمنځ د وزلوبې سیالۍ ترسره شوې.
په دغو سیالیو کې د خماب او قرقین ولسوالیو چاپ اندازانو ګډون کړی و، چې یوه ورځ یې دوام وکړ.
د سیالیو په پای کې د قرقین ولسوالیو چاپ اندازانو د ډېرو نمرو په ترلاسه کولو سره لومړی مقام خپل کړ.
د سیالیو موخه د جوزجان بومي او پخواني ورزش ته د ځوانانو او چاپ اندازانو هڅول ښودل شوي دي.
