خوست؛ باک ولسوالۍ کې د ۵۰ لوبډلو ترمنځ د ټېپ بال کرېکټ سیالۍ پای ته ورسېدې
د خوست ولایت د بدني روزنې او ورزش آمریت له لوري د یاد ولایت په باک ولسوالۍ کې د ۵۰ لوبډلو ترمنځ د ټېپ بال کرېکټ سیالۍ، چې دوې میاشتې مخکې پیل شوې وې؛ د خالبساط لوبډلې په اتلولي پای ته ورسېدې.
د یادو سیالیو پایلوبه کې خالبساط لوبډلې له خپل ۱۵۳ منډو هدف څخه دفاع وکړه او د ۳۵ منډو په توپیر یې خپلې سیالې یعقوبیو خپلواک لوبډلې ته ماتې ورکړه او د دغو سیالیو اتلولي یې وګټله.
د سیالیو په پای کې اتلې لوبډلې ته یو الټو موټر د ډالۍ په توګه ورکړل شو.
