خوست؛ تریزیو علیشېرو ولسوالۍ کې د ۷۵ لوبډلو ترمنځ د ټېپ بال کرېکټ سیالۍ پیل شوې
د خوست ولایت د بدني روزنې او ورزش آمریت اړوند د ټېپ بال کرېکت فدراسیون د استازولي له لوري د یاد ولایت په تریزیو علیشېرو ولسوالۍ کې د ۷۵ لوبډلو ترمنځ د ټېپ بال کرېکټ سیالۍ پیل شوې.
د یادو سیالیو لومړۍ لوبه د ځوان سټارز او اتحاد لوبډلو ترمنځ ترسره شوه. د لوبې ځوان سټارز لوبډلې وګټله او لومړی یې توپوهنه وکړه، چې په ټاکلو اوو اورونو کې یې د خپلو درېیوو لوبغاړو په له لاسه ورکولو سره خپلې سیالې لوبډلې ته د ۸۳ منډو هدف وټاکه. اتحاد لوبډلې ټاکلی هدف د لوبې په وروستي اوور کې د خپلو دوو لوبغاړو په له لاسه ورکول سره ترلاسه کړ او د اتو ویکټو په توپیر یې د دغو سیالیو لومړۍ لوبه وګټله.
دا سیالۍ د سیمې د ځوانانو لپاره د سالمې تفرېح د برابرول په موخه پیل شوي دي، چې دوې میاشتې به دوام وکړي.
