خوست؛ د باک ولسوالۍ د والیبال رمضان جام سیالۍ د انار کلي لوبډلې په اتلولۍ پای ته ورسېدې
د خوست ولایت د بدني روزنې او ورزش امریت او والیبال فدرسیون په چوکاټ کې د دغه ولایت د باک ولسوالۍ د سپېرکي کلي د ځوانانو له لوري د والیبال رمضان جام سیالۍ د انارکلي عبدالواحد لوبډلې په اتلولۍ پای ته ورسېدې.
د یادو سیالیو په پایلوبه کې د انارکلي عبدالواحد لوبډلې خپلې سیالې سروري لوبډلې ته د ۲-۱ میدانونو په توپیر ماتې ورکړه او اتلولي یې خپله کړه.
هېره دې نه وي چې یادې سیالۍ د روژې مبارکې میاشتې په لومړیو کې پيل شوې وې، چې د اورښتونو له امله خنډ سره مخ شوې او تېره ورځ یې پایلوبه ترسره شوه او پای ته ورسېدې.
