خوست؛ د باک ولسوالۍ په کوټکيو کلي کې د ټېپ بال کرکټ سيالۍ پيل شوې
د خوست ولايت د بدني روزنې او ورزش امريت اړوند ټېپ بال فدراسيون په چوکاټ کې د ۱۲ لوبډلو ترمنځ د ټېپ بال کرکټ سيالۍ پيل شوې.
د دغو سياليو لومړۍ لوبه د سوپر سټارز او تريزيو لوبډلو ترمنځ ترسره شوه، لومړی توپوهنه سوپر سټارز لوبډلې وکړه او په ټاکلو لسو اورونو کې يې سيالې لوبډلې ته د شپږو لوبغاړو په زیان ۱۲۳ منډې هدف کېښود.
د لوبې په دويمه پاڼۍ کې تريزيو لوبډله ونه توانېده چې ياد هدف پوره کړي او په ۱۱ منډو يې سيالې لوبډلې ته سيالي بايلوده.
هېره دې نه وي، چې دغه سيالۍ د لیګ په شکل ترسره کېږي او يوه نيمه مياشت به دوام وکړي.
