خوست؛ د تڼيو احسان الف لوبډلې د تورو اوبو جام په نوم د واليبال دويم پړاو سياليو اتلولي وگټله
د خوست ولايت د بدني روزنې او ورزش امريت اړوند د واليبال فدراسيون د استازولي له لوري د عليشېرو تريزيو ولسوالۍ په تورو اوبو سيمه کې د ۵۰ لوبډلو ترمنځ د تورو اوبو جام په نوم د واليبال دويم پړاو سيالۍ، چې دوې مياشتې مخکې پيل شوې وې، د تڼيو احسان الف لوبډلې په اتلولۍ پای ته ورسېدې.
د دغو سياليو په پايلوبه کې تڼيو احسان الف لوبډلې خپلې سيالې تريزيو ادريس لوبډلې ته د ۳۶ پر ۳۳ امتيازونو په توپير ماتې ورکړه او د ياد جام اتلولي يې په خپل نوم کړه.
د يادولو وړ ده، چې د ياد سياليو په پای کې لومړي او دوهم مقام گټونکو لوبډلو ته کپونه او غوره لوبغاړو ته مډالونه او چمتو شوې ډالۍ ورکړل شوې.
