خوست؛ د فوټسال رمضان جام سیالیو اتلولي اریانا لوبډلې خپله کړه
د خوست اماني ملي لوبغالي ترڅنګ په سرپټي میدان کې د فوټبال فدراسیون له لوري په لومړي ځل د فوټسال ۲۴ لوبډلو ترمنځ د پیل شوو رمضان جام سیالیو اتلولي او لومړی مقام اریانا لوبډلې خپل کړ.
د دغه جام پايلوبې ته اريانا او ګربزو منتخبې لوبډلې لار موندلې وه چې په پايله کې اريانا لوبډلې خپلې سيالې لوبډلې ته ۵_۴ ګولونو په توپير ماتې ورکړه او اتلولي يې خپله کړه.
په پای کې غوره لوبډلو او لوبغاړو ته مډالونه، ډالۍ او کپونه ورکړل شول.
بايد يادونه وشي چې ياد جام د وري مياشتې پر ۱۲مه پيل شوی و او تېره شپه پای ته ورسېد.
