خوست؛ علیشېرو ولسوالۍ کې د ۷۸ لوبډلو ترمنځ د ټېپ بال کرېکټ سیالۍ پای ته ورسېدې
د خوست ولایت د بدني روزنې او ورزش آمریت اړوند د ټېپ بال کرېکټ فدراسیون د استازولي له لوري د یاد ولایت په علیشېرو ولسوالۍ کې د ۷۸ لوبډلو ترمنځ د ټېپ بال کرېکټ سیالۍ د علیشېرو للمۍ ټایګرز لوبډلې په اتلولي پای ته ورسېدې.
د یادو سیالیو پایلوبه د علیشېرو للمۍ ټایګرز او یعقوبیو خپلواک لوبدلو ترمنځ ترسره شوه، د لوبې پچه خپلواک لوبډلې وګټڼله او لومړی یې د توپ وهنې پرېکړه وکړه، چې په ټاکلو اوو اورونو کې یې د خپلو اوو لوبغاړو په له لاسه ورکولو سره خپلې سیالې لوبډلې ته د ۱۲۴ منډو هدف وټاکه. علیشېرو للمۍ ټایګرز لوبډلې د لوبې په شپږم اور کې د خپلو درېیوو لوبغاړو په له لاسه ورکولو سره یاد هدف پوره کړ او د اوو ویکټو په توپیر یې د دغو سیالیو اتلولي وګټله.
دا سیالۍ د زرغون جام په نوم نومول شوې وې، چې دوه نیمې میاشتې یې دوام وکړ.
