خوست؛ نادرشاه کوټ ولسوالۍ کې د ۳۸ لوبډلو ترمنځ د ټېپ بال کرېکټ سیالۍ پای ته ورسېدې
د خوست ولایت د بدني روزنې او ورزش آمریت له لوري د یاد ولایت په نادرشاه کوټ ولسوالۍ کې د ۳۸ لوبډلو ترمنځ د ټېپ بال کرېکټ سیالۍ د قلندر آباد لوبډلې په اتلولي پای ته ورسېدې.
د یادو سیالیو پایلوبه کې قلندر آباد لوبډلې له خپل ۱۳۰ منډو هدف څخه دفاع وکړه او د ۴۰ منډو په توپیر یې خپلې سیالې داخیو لوبډلې ته ماتې ورکړه او د سیالیو اتلولي یې وګټله.
دا سیالۍ د ځوانانو ترمنځ د یووالي په موخه ترسره شوې، چې یوه نیمه میاشت یې دوام وکړ.
