خوست؛ پهتڼيو ولسوالۍ کې د شپږو لوبډلو ترمنځ د ټېپ بال کرکټ غوره لیګ سیالۍ پای ته ورسېدې
د خوست ولایت د بدني روزنې او ورزش امريت اړوند پدټېپ بال کرکټ فدراسيون له لوري د تڼيو ولسوالۍ په ګربز صحرا سيمه کې د ۶ لوبډلو ترمنځ د ټېپ بال کرکټ غوره ليګ سيالۍ پای ته ورسېدې.
د دغو سياليو پايلوبه د اتل ياران او اتل زمريان لوبډلو ترمنځ ترسره شوه، لومړی توپوهنه اتل زمريان لوبډلې وکړه او په ټاکلو اوو اورونو کې يې سیالې لوبډلې ته د پنځو لوبغاړو په زيان ۸۴ منډې هدف کېښود، د لوبې په دويمه پاڼۍ کې اتل ياران لوبډلې ياد د درېيو لوبغاړو په زيان پوره کړ او په اوو ويکټو يې اتلولي خپله کړه.
هېره دې نه وي چې دغو سياليو يوه مياشت دوام وکړ او په پای کې غوره لوبډلو او لوبغاړو ته چمتو شوې ډالۍ ورکړل شوې.
