خوست؛ په تڼيو ولسوالۍ کې د اوو لوبډلو ترمنځ د ټیپ بال سيالۍ پيل شوې
د خوست ولایت د بدني روزنې او ورزش امريت اړوند ټېپ بال کرکټ فدراسيون له لوري د تڼيو ولسوالۍ په حصارک کلي کې د اوو لوبډلو ترمنځ د ټیپ بال کرکټ سيالۍ پيل شوې.
د دغو سياليو د پيل لوبه د لاغوړي پيرانو او ترخېلو کلي لوبډلو ترمنځ وشوه، لومړی توپوهنه لاغوړي لوبډلې وکړه او په ټاکلو اتو اورونو کې يې سيالې لوبډلې ته ۱۲۹ منډې هدف کېښود، د لوبې په دويمه پاڼۍ کې سيالې لوبډلې ياد هدف د پنځو لوبغاړو په زيان پوره کړ او په پنځو ویکټو يې بريا خپله کړه.
