خوست؛ په خوست کې د اوو لوبډلو ترمنځ د ټېپ بال کرکټ لیګ سیالۍ پای ته ورسېدې
د خوست ولایت د بدني روزنې او ورزش امریت اړوند ټېپ بال کرکټ په چوکاټ کې د اسماعیل خېلو او مندوزیو ولسوالیو د بهرام کرکټ کلب پر میدان د اوو لوبډلو ترمنځ د ټېپ بال کرکټ لیګ سیالۍ د فضلي کرکټ کلب په بریا پای ته ورسېدې.
د دغو سیالیو پایلوبې ته د پیر کرکټ کلب او بهرام خېلو فضلي کرکټ کلب لوبډلو لار موندلې وه، د لوبې لومړۍ پاڼۍ پیر کلب لوبډلې ولوبوله او ټاکلو ۱۰ اورونو کې یې سیالې لوبډلې ته ۱۱۷ منډې هدف کېښود، بل لوري ته فضلي کرکټ کلب لوبډلې یاد هدف په دوو ویکټو د لوبې په اووم اور کې پوره کړ او د یادو سیالیو اتلولي یې خپله کړه.
د یادونې وړ ده چې دغه لیګ یوه میاشت دوام وکړ او تېره ورځ پای ته ورسېد.
