خوست؛ په گربزو ولسوالۍ کې د ۲۲ لوبډلو ترمنځ د ټېپ بال کرېکټ سيالۍ پای ته ورسېدې
د خوست ولايت د بدني روزنې او ورزش امريت په همکارۍ د گربزو ولسوالۍ په جمال ځدراڼ ميدان کې د ۲۲ لوبډلو ترمنځ د ش.ه.ي.د نجيب الله ترکي جام په نوم د ټېپ بال کرېکټ دويم پړاو سيالۍ د متون اتفاق کلب لوبډلې په اتلولۍ پای ته ورسېدې.
د دغو سياليو پايلوبه د متون اتفاق کلب او محمد خان ځدراڼ لوبډلو ترمنځ ترسره شوه، چې محمد خان ځدراڼ لوبډلې د لوبې پچې په گټلو سره په ټاکلو اوو اورونو کې د اوو لوبغاړو په سوځېدو سره سیالې لوبډلې ته د ۸۸ منډو هدف وټاکه، په مقابل کې متون اتفاق کلب لوبډلې ياد هدف په اووم اور کې ترلاسه کړ او د درېيو ویکټو په توپير يې بريا او اتلولي په خپل نوم کړه.
د يادولو وړ ده، چې يادو سياليو يوه نيمه مياشت دوام وکړ او په پای کې اتلې لوبډلې ته يو عراده موټرسايکل او غوره لوبغاړو ته کپونه او مډالونه ورکړل شول.
