خوست؛ گربزو ولسوالۍ کې د ۲۸ لوبډلو ترمنځ د واليبال سيالۍ پای ته ورسېدې
د خوست ولايت د بدني روزنې او ورزش آمريت اړوند د واليبال فدراسيون د استازولۍ له لوري د ياد ولايت په گربزو ولسوالۍ کې د ۲۸ لوبډلو ترمنځ د والیبال سیالۍ، چې يوه مياشت مخکې پيل شوې وې د اسماعيل خېلو منتخبې لوبډلې په اتلولۍ پای ته ورسېدې.
د دغو سياليو په پايلوبه کې اسماعيل خېلو منتخبې لوبډلې خپلې سيالې مندوزيو منتخبې لوبډلې ته د ۳ پر ۱ ميدانونو په توپير ماتې ورکړه او اتلولي يې وگټله.
د يادو سياليو په پای کې اتلې لوبډلې ته يو عراده موټرسايکل، د اتلولۍ جام او غوره لوبغاړو ته چمتو شوې بېلابېلې ډالۍ ورکړل شوې.
