خوست ب لوبډله یو ګام نور هم ګرېډون سیالیو ته نېږدې شوه
د وزیر محمد اکبرخان دویمه درجه ولایتي یو ورځنیو سیالیو په لړ کې خوست ب لوبډلې پخپله درېیمه لوبه کې د بامیانو ولایت لوبډلې ته ماتې ورکړه.
خوست ب لوبډلې وکولی شول، چې د بامیان ولایتي لوبډلې ته د اووه ویکټو په توپیر ماتې ورکړي او په دې سره د وزیر محمد اکبر خان لومړۍ درجه ولایتي لوبو ته یو ګام نور هم نېږدې شي.
هېره دې نه وي، چې تر دې وړاندې خوست ب لوبډلې په دې سیالیو کې له پکتیا ماتې خوړلې وه، خو په وروستیو دوو لوبو کې یې پروان او بامیان ولایتي لوبډلې له ماتې سره مخ کړې او وروستۍ لوبه به له تخار ولایتي لوبډلې سره وکړي.
