خوست: ولس زرغون د رسنیز جام په اووم پړاو کې بله بریا هم ترلاسه کړه
خوست کې د رسنیز کرکټ جام په اووم پړاو سیالیو په لړ کې د ولس زرغون بریاوې جاري دي او نن یې په یوه بله لوبه کې ازمون راډیو ته ماتې ورکړه.
د سیالۍ پچه د ولس زرغون لوبډلې وګټله او لومړۍ یې د توپوهنې پریکړه وکړه، ولس زرغون لوبډلې په پوره یوولسو اورونو کې د اوو لوبغاړو په سوځیدو سره ۱۳۲ منډې وکړې او مقابلې لوبډلې ته یې د ۱۳۳ منډو هدف ورکړ.
ولس زرغون لوبډلې ته په توپ وهنه کې رسول شریف الهام ۴۲ او سیدالله زړن ۳۵ منډې وکړې.
ازمون لوبډلې ته شاهد ځواک ۲ او اقرار هم ۲ لوبغاړي وسوځول.
ازمون لوبډلې د ولس زرغون د ۱۳۳ منډو په تعقیب یواځې ۹۷ منډې وکړې او په ۳۵ منډو یې ماتي ومنله.
ولس زرغون لوبډلې ته په توپ اچونه کې نصیر خاطر ۳ بادشانو الله شباب ۳ او بلال واک ۲ لوبغاړي وسوځول.
د ولس زرغون لوبډلې لوبډلمشر رسول شریف الهام چې تېزې ۴۲ منډې جوړې کړي وې او ۱ لوبغاړی یې سوځولی و
د سیالۍ غوره لوبغاړی اعلان شو.
د خوست رسنیو ترمنځ د کرکټ دغه ۱۲ اوریزې سیالۍ د خوست په حکیم تڼیوال میس عینک لوبغالي ترسره کیږي.
