خوست: په علیشېرو ولسوالۍ کې د امن او یووالي په نوم سیالۍ د محب الله کلب وګټلې
د خوست ولایت د علیشېرو ولسوالۍ اړوند په تورو اوبو سیمه کې د ۴۴ لوبډلو ترمنځ د والیبال ټورنمنټ چې دوه میاشتې وړاندې پیل شوی ۇ، د محب الله کلب په اتلولۍ پای ته ورسېد.
د ټورنمنټ پای لوبه د محب الله او ادریس لوبډلو ترمنځ وه، چې د ۲-۱ میدانونو په توپیر محب الله کلب بریا خپله کړه.
یاد ټورنمنټ دهمدې سیمې دمسافرو، مشرانو او ځوانانو په مالي لګښت جوړ شوی و.
لومړی مقام ګټونکو لوبډلې ته یو پسه، دویم مقام ګټونکې لوبډلې ته کپ او نورو لوبغاړو ته ډالۍ او مډالونه ورکړل شول.
