خوست کې د اتو لوبډلو ترمنځ د فوټبال چلنج کپ سیالۍ پیل شوې
د خوست ولایت د بدني روزنې او ورزش آمریت اړوند د فوټبال فدراسیون د استازولي له لوري د یاد ولایت مرکز اړوند تڼیوال تفریحي پارک کې د اتو لوبډلو ترمنځ د فوټبال چلنج کپ سیالۍ پیل شوې.
د یادو سیالیو لومړۍ لوبه د متون ورداخېلو او معلم جان کاروان لوبډلو ترمنځ ترسره شوه، چې په پایله کې یې متون ورداخېلو لوبډلې د ۲ پر یو ګول په توپیر خپلې سیالې لوبډلې ته ماتې ورکړه او د سیالیو لومړۍ بریا یې په خپل نوم ثبت کړه.
د سیالۍ د راتلونکي فوټبال غوره لیګ سیالیو ته د چمتو والي په موخه پیل شوي دي، چې یوه میاشت به دوام وکړي.
