خوست کې د لسو لوبډلو ترمنځ د رسۍ کشوونې سيالۍ ترسره شوې
د خوست ولايت د بدني روزنې او ورزش آمريت اړوند د ملي او سيمه ييزو لوبو مديريت له لوري د ځاځي ميدان ولسوالۍ په ټوټو سيمه کې د لسو لوبډلو ترمنځ د يووالي په نوم د رسۍ کشوونې سيالۍ ترسره شوې.
د يادو سياليو پايلوبه د عطا خېلو زمريانو او سټيوان ټايگرز لوبډلو ترمنځ ترسره شوه، چې په پايله کې عطا خېلو زمريانو لوبډلې خپلې سيالې لوبډلې ته ماتې ورکړه او اتلولي يې په خپل نوم کړه.
د يادولو وړ ده، چې د دغو سياليو د ترسره کېدو موخه په يادې ولسوالۍ کې ملي او سيمه ييزو لوبو ته وده ورکول و، چې يوه ورځ يې دوام وکړ.
