خوست کې د ۵۵ لوبډلو ترمنځ د فوټبال سیالۍ پای ته ورسېدې
د خوست ولایت د بدني روزنې او ورزش آمریت له لوري د یاد ولایت مرکز متون ښار کې د ۵۵ لوبډلو ترمنځ د فوټبال سیالۍ د چغۍ کلي لوبډلې په اتلولي پای ته ورسېدې.
د یادو سیالیو پایلوبه کې چغۍ کلي لوبډلې د یو پر صفر ګول په توپیر خپلې سیالې متون بابا لوبډلې ته ماتې ورکړه او اتلولي یې وګټله.
دا سیالۍ د ملي شاعر مطیع الله تراب په یاد ترسره شوې، چې دوه نیمې میاشتې یې دوام وکړ.
