دایکندي؛ اشترلي ولسوالۍ کې د ۴۰ ورزشکارانو ترمنځ د اتلتیک (ځغاستې) سیالۍ ترسره شوې
د دایکندي ولایت د بدني روزنې او ورزش امریت له لوري د یاد ولایت په اشترلي ولسوالۍ کې د ۴۰ ورزشکارانو ترمنځ د نوي ځوانانو او لویو ورزشکارانو په عمري کټګورۍ او ۸۰۰ متري واټن کې د اتلتیک (ځغاستې) سیالۍ ترسره شوې.
د دغو سیالیو په پایله کې د نويو ځوانانو له کټګورۍ فهیم لومړی او ارش اکبري دویم مقام ترلاسه کړ او د لویو ورزشکارانو له کټګورۍ یاسر لومړی مقام او شیرمحمد دویم مقام ترلاسه کړ.
د یادو سیالیو موخه په دایکندي ولایت کې یاد ورزش ته وده ورکول، غوره ورزشکاران موندل، د ځغاستې له اصولو سره بلدتیا او د پلې تګ دودول و.
