دایکندي؛ شهرستان ولسوالۍ کې د ۲۰ لوبډلو ترمنځ د فوټبال سیالۍ پای ته ورسېدې
د دایکندي ولایت د بدني روزنې او ورزش امریت اړوند د فوټبال فدراسیون د استازولۍ له لوري د یاد ولایت په شهرستان ولسوالۍ کې د ۲۰ لوبډلو ترمنځ د خزاني جام په نوم د فوټبال سیالۍ پای ته ورسېدې.
د دغو سیالیو پایلوبه د حکمت کتوب او جهش خواجه چاشت لوبډلو ترمنځ په ټاکلي وخت کې مساوي پای ته ورسېده، خو په پنالټیو کې د حکمت کتوب لوبډلې سیالې لوبډلې ته د ۵/۳ ګولونو په توپير ماتې ورکړه او اتلولي یې خپله کړه.
د یادو سیالیو موخه د ځوانانو ترمنځ ورزش ته وده ورکول و، چې درې اوونۍ یې دوام وکړ.
د سیالیو په پای کې غوره لوبډلې ته د اتلولۍ جام او غوره لوبغاړو ته ورزشي ډالۍ ورکړل شوې.
