دایکندي؛ ګیتي ولسوالۍ کې د ۲۰ لوبډلو ترمنځ د فوټسال سیالۍ پيل شوې
د دایکندي ولایت د بدني روزنې او ورزش امریت اړوند د فوټبال ملي فدراسیون د استازولۍ له لوري د یاد ولایت د ګیتي ولسوالۍ په ورزشي لوبغالي کې د ۲۰ لوبډلو ترمنځ د یووالي جام په نوم د فوټسال سیالۍ پيل شوې.
د دغو سیالیو په لومړۍ لوبه کې د اتحاد تمران لوبډلې خپلې سیالې ګیتي شنیه لوبډلې ته د ۴/۱ ګولونو په توپير ماتې ورکړه او لومړۍ بریا یې خپله کړه.
د یادو سیالیو موخه د فوټسال ورزش ته وده ورکول او د ځوانانو ترمنځ یووالی رامنځته کول دي، چې درې اوونۍ به دوام وکړي.
