د افغانستان د کام اير واليبال لوبډلې په خپله لومړنۍ لوبه کې له چين تايپه څخه ماتې وخوړه
د افغانستان د کام اير واليبال لوبډلې، چې دا مهال په بحرين هيواد کې د افغانستان په نماينده ګي لوبيږي، په خپله لومړنۍ سيالي کې له چين تايپه لوبډلې څخه د ۳-۰ ميدانونو په توپير ماتې وخوړه.
دا سيالي د بحرين هيواد په منامه ښار کې نن غرمه مهال د افغانستان په وخت ۱۲:۳۰ بجې پيل شوه، د کام اير واليبال لوبډلې په ترتيب سره درې ميدانونه د ۲۱-۲۵، ۱۶-۲۵ او ۱۴- ۲۵ نمرو په توپير تايچونګ بانک چين تايپه ته بايلودل.
د يادونې وړ ده، چې د تايچونګ چين تايپه لوبډله يوه له پياوړو لوبډلو څخه ده، چې په ۲۰۱۵ م کال کې يې بې له کومې ماتې د اسيا کلبونو د قهرماني جام اتلولي خپله کړې وه.
