د افغانستان ساحلي فوټبال لوبډله ټایلنډ ته ورسېده
د افغانستان ساحلي فوټبال ملي لوبډله د ۲۰۲۵ ساحلي فوټبال اسیا جام سیاليو کې د ګډون په موخه، چې د ټایلنډ هېواد په کوربهتوب تر سره کېږي، دغه هېواد ته ورسېده.
د ساحلي فوټبال لوبډله به له دې سیالیو وړاندې تمرینات ترسره کړي، تر څو د کوربه هېواد له میدانونو او هوا حالاتو سره بلد شي.
په دغو سیالیو کې به افغان ملي لوبډله په C ګروپ کې د ایران، متحده عربي اماراتو او اندونیزیا هېوادونو له لوبډلو سره سیالي وکړي.
د ۲۰۲۵ ساحلي فوټبال اسیا جام سیالۍ به د روان کال د مارچ میاشټې پر شلمه نېټه پیل شي.
