د افغانستان فوټسال ملي لوبډلې چین ته ماتې ورکړه
د افغانستان فوټسال ملې لوبډلې د مراکش په څلور اړخیزو سیالیو کې، چې د دغه هېواد په کوربهتوب ترسره شوې، تېره شپه ( د وري پر ۲۴مه) له چین هېواد سره سیالي وکړه، چې د ۶ – ۲ ګولونو په ستر توپیر یې ماتې ورکړه.
افغانستان په دغو سیالیو کې دوه سیالۍ وکړې، چې په لومړۍ لوبه کې یې له پرتګال څخه ماته وخوړه او په دویمه لوبه کې یې چین ته په لوی توپیر ماته ورکړه،
د یادونې وړ ده، چې د دغو سیالیو په پایله کې مراکش لومړی مقام، پرتګال دویم مقام او افغانستان د درېیم مقام ګټونکی شو.
د مراکش فوټسال څلور اړخیزې سیالۍ د افغانستان، مراکش، پرتګال او چین هېوادونو په ګډون د روانې میلادي میاشتې پر نهمه نېټه پیل شوې وې، چې تېره شپه( د مارچ پر ۱۳مه) پای ته ورسېدې.
