د جوانان میهن د زیتون روغتون لوبډلې ته ماتې ورکړه
یکشنبه ۱۲ د مرغومی ۱۴۰۰
سمیر هیبت
د کابل د الف کټګورۍ د فوټسال سیالیو په دوام کې پرون سې شنبه د جوانان میهن او زیتون روغتون ټیمونو یو له بل سره سیالي وکړه.
دا لوبه د ۵-۳ په وړاندې د جوانان میهن په ګټه پای ته ورسېده.
د کابل د الف کټګورۍ د فوټسال سیالیو د دغه پړاو د مسوولینو د معلوماتو له مخې، دغه سیالۍ درې اونۍ وړاندې د مرکز د ۲۲ لوبډلو په ګډون پیل شوې، چې هره ورځ د هېواد د فوټسال په جمنازیوم کې د فوټسال سیالۍ کیږي.
په نیمه پایلوبه کې به نن یکشنبه د مرغومی ۱۲مه د جوانان میهن د ورزش افغانستان لوبډلې پر وړاندې او د الف ګروپ په دویمه لوبه کې به د امید عدالت ټیم د صلح لوبډلې سره مخامخ شي.
